شہر کی دھوپ سے پوچھیں کبھی گاؤں والے
کیا ہوئے لوگ وہ زلفوں کی گھٹاؤں والے
اب کے بستی نظر آتی نہیں اُجڑی گلیاں
آؤ ڈھونڈیں کہیں درویش دعاؤں والے
سنگزاروں میں مرے ساتھ چلے آئے تھے
کتنے سادہ تھے وہ بلّور سے پاؤں والے
ہم نے ذرّوں سے تراشے تری خاطر سورج
اب زمیں پر بھی اتر زرد خلاؤں والے
کیا چراغاں تھا محبت کا کہ بجھتا ہی نہ تھا
کیسے موسم تھے وہ پُر شور ہواؤں والے
تُو کہاں تھا مرے خالق کہ مرے کام آتا
مجھ پہ ہنستے رہے پتھر کے خداؤں والے
ہونٹ سی کر بھی کہاں بات بنی ہے محسن
......خامشی کے سبھی تیور ہیں صداؤں والے
Shehar Ki Dhoop Se Poochein Kabhi Gaao’n Walay
Kia Huey Log Woh Zulfon Ki Ghataaon Walay
Ab K Basti Nazar Aati Nahi Ujrri Galyaan
Aao Dhoondein Kaheen Darwaish Duaaon Walay
Sang-Zaaron Mein Merey Sath Chalay Aaey Thay
Kitney Sada'h Thay Woh Bullawar Se Paaon Walay
Hum Ne Zarron Se Tarashay Teri Khatir Sooraj
Ab Zameen Par Bhi Utar Zard Khalaaon Walay
Kia Charaghan Tha Mohabbat Ka Ke'h Bujhta He Na Tha
Kaisay Mosam Thay Woh Pur Shor Hawaaon Walay
Tu Kahan Tha Merey Khaliq Ke'h Merey Kaam Aata
Mujh Pe Hanstey Rahey Pathar K Khudaaon Walay
Hont See Kar Bhi Kahan Baat Bani Hai Mohsin
Khaamshi K Sabhi Taiwar Hein Sadaaon Walay......
