ایک ہو کر بھی ہزاروں سے اُلجھ پڑتا ہے
عشق پیدل بھی سواروں سے اُلجھ پڑتا ہے
سازش ِ زردی ِ موسم میں نہیں گر تُو شریک
کیوں بہاروں کے اشاروں سے اُلجھ پڑتا ہے
کوئی الزام نہیں۔۔ تم سے فقط پوچھا ہے
تیر کیا خود ہی شکاروں سے اُلجھ پڑتا ہے؟
خواہش ِ گل میں تو ملتی ہے سزا عجلت کی
یونہی دامن نہیں خاروں سے اُلجھ پڑتا ہے
گاہے گاہے تجھے کیا ہوتا ہے اللہ جانے
بے سبب اپنے ہی یاروں سے اُلجھ پڑتا ہے
ایک لمحے کے لیے چاند جو اُوجھل ہو جائے
دل وہ ضدی کہ ستاروں سے اُلجھ پڑتا ہے
ظبط دریا کا بھی دیکھا ہے صاحب ہم نے
بوجھ پڑتے ہی کناروں سے اُلجھ پڑتا ہے۔۔
Aik Ho Kar Bhi Hazaaron Se Ulajh Parrta Hai
Ishq Paidal Bhi Sawaron Se Ulajh Parrta Hai
Sazish-E-Garmiy-E-Mosam Mein Nahi Gar Tu Shareek
Kiun Baharon K Isharon Se Ulajh Parrta Hai
Koi Ilzaam Nahi Tum Se Faqat Poocha Hai
Teer Kia Khud He Shikaron Se Ulajh Parrta Hai
Khuwahish-E-Gul Mein Tou Milti Hai Saza Ujlat Ki
Youn He Daaman Nahi Khaaron Se Ulajh Parrta Hai
Gaahay Gaahay Tujhe Kia Hota Hai Allah Janey
Be-Sabab Apne He Yaaron Se Ulajh Parrta Hai
Aik Lamhay K Liye Chaand Jo Ojhal Ho Jaaye
Dil Woh Ziddi Ke'h Sitaaron Se Ulajh Parrta Hai
Zabt Dariya Ka Bhi Dekha Hai Sahib Hum Ne
Bojh Parrtay He Kinaaron Se Ulajh Parrta Hai...
Please Do Click g+1 Button If You Liked The Post & Share It
