کھو چکے ہیں جس کو وہ جاگیر لے کر کیا کریں
اک پرائے شخص کی تصویر لے کر کیا کریں
ہم زمیں زادے , ستاروں سے ہمیں کیا واسطہ
دل میں ناحق خواہش تسخیر لے کر کیا کریں
عالموں سے زائچے بنوائیں کس امید پر
خواب ہی اچھے نہ تھے تعبیر لے کر کیا کریں
اعتبارِ حرف کافی ہے تسلی کیلے
پکے کاغذ پر کوئی تحریر لے کر کیا کریں
اپنا اک اسلوب ہے ،اچھا برا جیسا بھی ہے
لہجۂ غالب ، زبان میر لے کر کیا کریں
شمع اپنی ہی بھلی لگتی ہے اپنے طاق پر
...مانگے تانگے کی کوئی تنویر لے کر کیا کریں
Kho Chukey Hein JisKo Woh Jageer Lay Kar Kia Karen
Ik Paraey Shakhs Ki Tasveer Lay Kar Kia Karen
Hum Zameen Zaday, Sitaron Se Hamein Kia Waasta
Dil Mein Nahaq Khuwahish-E-Taskheer Lay Kar Kia Karen
Aalimo'n Se Zaiechay Banwaein Kis Ummeed Par
Khuwab He Achay Na Thay Tabeer Lay Kar Kia Karen
Aitabar-E-Harf Kaafi Hai Tasalli K Liye
Pakkay Kagaz Par Koi Tehreer Lay Kar Kia Karen
Apna Ik Asloob Hai , Acha Bura Jaisa Bhi Hai
Lehja-E-Ghaalib , Zuban-E-Meer Lay Kar Kia Karen
Shamma Apni He Bhali Lagti Hai Apney Taaq Par
Mangay Tangay Ki Koi Tanveer Lay Kar Kia Karen....
Please Do Click g+1 Button If You Liked The Post & Share It
